S
I leševi in tal “Salviamo la memoria” di Biuseppe Castellarin chistu comènt su la funsiòn di un tipo da li nustri cèlulis:
“Ci sono delle cellule, che si trovano nel timo dove svolgono una funzione utile, ma che diventerebbero pericolose per le altre, se andassero in circolo con il sangue. Se si muovono, ricevono dal loro DNA segnale che attivano il loro programma di autosoppdessione, codificato nei loro cromosomi, e vanno incontro a morte per non provocare morte alle altre cellule.”
Il compuartamìnt di sti cèlulis al è na maravèa no doma parsè ca ni ufrìs un ešempli incredìbil di auto sacrifisi, ma encja parsè—forsi pì di dut parsè—cal è spieli di tanti altri ròbis. Al è spieli da la maniera che i salmòns a si sacrifichèin par permètighi a na nova generasiòn di fà la stesa roba ca fàn lòu: di nasi, cresi, nodà par sentenàrs di chilòmetro fin tal mar, da’ndulà che dope cuatri àis a tòrnin indavòu il tal flun o roja indulà ca èrin nasùs e dope vej depošitàt e fertilišàt i so òufs, a mòrin e a rèstin par cualchi dì o setemana in ta li bàndis da li ròis come ch’i jodìn in ta la foto, scatada cualchi dì fà dongja di cjaša, in ta la riva dal flun Bonaparte.
Nuàltris i vìn l’abitùdin di ešaltà chej ca si sacrifichèin par àltris (ca sèdin chej nustri fìs, nustri pàris o màris, nustri amìs, nustri compaešàns, e via dišìnt), e chìschis i’u clamàn eròes o sans o màrtirs. Ma a pensala benòn, a mèritini pròpit di vignì cussì tant ošanàs cuant che chistu spìrit di sacrificasi par àltris al è na roba ca ven fata—sensa nisuna preteša—dal ùmil salmòn, e a vè fata parfìn, a livèl microscòpic, da li,pì encjamò ùmilis cèlulis?
