Petrarca Sonetto 20

Plen ogni tant di vergogna che’ncjamò tašùt,

Laura, i vedi la vustra bielesa in rima,

indavòu i torni a cuant che jodùt la prima

volta vi vevi,  che nisun’altra mi veva plašùt.

Ma masa al è stu pèis par me pešantùt

e’l rifinì pur cun chista me lima:

pì che’l inzèn la so fuarsa al stima,

e pì frìgid il me provà al doventa’n dut. 

Pì vòltis a diši alc i vevi provàt,

ma la vòus mi s’incolava dopo’n tal pet,

ma cual sun podùt al varèsia alsasi tant alt?

Pì vòltis a scrivi vers i vevi tacàt,

ma la pena e la man e’l intelèt

scunfìs restàs a èrin al prin asàlt.

(Work in progress...)

Sinking of the Titanic

Work in progress...

Hejlà, encjamò vin bon!

“Marconi al à fàt il mar sigùr coma la cjera:

ti recuàrditu la Republic—da la compagnìa White Star—

sbatuda da la Florida dongja Nantucket,

cun mil di lòu salvàs—la Baltic sintùt a veva’l SOS.

Do nafs rispundùt ghi vèvin a la Slavonia,

menomada dongja da li Azores. Dùtis judàdis,

e cuant che la Minnehaha a si era ’ngravada

visìn di Bishop’s Rock, a no la varèsin 

maj cjatada—nencja par schers—sensa la wireless.

Stesa roba capitàt ghi varès a che naf—sè si clamàvia?—

Chè ca si veva infondàt dongja da l’Alaska

—i so segnaj a vèvin partàt dongja n’altra naf

a colp. Jòitu mo—Marconi al veva ben fàt la so!”

....

Sinking of the Titanic

Fragment of my translation:

...Al stes timp,

fašinghi concorensa ai motòus cul so rumòu

costànt miàrs di piè pì’n alt atorotòr

a zèvin par completà’l cuart ziru e la mija.

Rachètis di squash, hockey da taula e’l zòuc daj anej; 

i tùfos in tal fresc da la pisina da la palestra,

il strufinasi, l’aria freiduta da la nòt di Avrìl,

il sal tal vintulìn creàt da la naf in corsa

cun la chilia cuilibrada par stimulà

l’aguta e un apetìt oceànic;

e coma trùpis d’asàlt davànt di na fortesa

a la prima clamada di na tromba

sù a ti vàn pa la scjalinada vièrs il salòn,

e se ben che in taj dòdis plas da sielzi

biela figura al farès doma un Falstaff,

lo stes pus a’n d’èrin che’l cul indavòu

a tiràvin a li guantièris ben lustràdis daj camerèis

cun li so bevàndis a altri delicatèsis....

(Work in progress)