Heisenberg

 

Il prinsipi di Heisenberg: na prova

 

Il madràs al era restàt

sot cjera

taj mèis dal unvièr.

 

Puc fa al è vegnùt fòu

da la so tanuta

e ben rodolàt si tegneva

sot di un clap,

spetànt cun pasiensa

cujèt

e sidinùt

che’l cjaldùt dal soreli

e’l sbušigà da la fan—

compàis di sempri—

movi lu fèsin e sveà.

 

Ma i m’intrauli tal clap

e i mi sbasi par cjoilu sù

e mètilu in banda.

 

Sot dal clap i jòt il madràs

encjamò ben rodolàt.

 

Plan planìn al tira sù il cjavùt

e a mi vuarda

cu la lenguta che fòu

ghi saèta.

 

Secjàt a si disrodolèa

e plan plan al sbrisa

di nòuf

in ta la so tanuta scura.

 

Insiminìt, restàt lì i eri

a contemplà sta prova

dal prinsipi di Heisenberg

ca tornava strisànt

in ta la so tana.