Il mistej dal traduši poešìis

Tradusiòn furlana dal sonèt di Petrarca “Solo e pensoso i deserti campi” .

Par prin, na tradusiòn a “cjalt” dal sonèt, sensa fàighi cašu a ritmo o a rima:

Besòu e sot pensej i cjamps pì dešèrs 

plan plan mišurànt i vaj cun pas pešàns,

e cuj vuj sempri atènt i staj di stà

lontàn da troj belzà stampàt da pas umàn.

Nuja di altri in no cjati ca mi proteši

dal vuli e da li cjàcaris da la zent,

che daj momèns di legrìa belzà godùs

pardifòu ben si jòt com’che dentri i bruši:

cussì ch’i cròt jò ben adès che’n alt e’n bas

e’n taj fluns e’n taj boscs zà si savedi di che stamp

la me vita a è che platada a àltri si tèn.

Ma lo stes tròis cussì durs e salvàdis

cjatà i no pòl che Amòu bon nol sedi

di vignì cun me a rašonà, e jò cun luj.

E, dopo vej lustràt rima e ritmo (o metro), èco chì la versiòn finàl:

Besòu e sot pensej i cjamps dešolàs

i staj plan planìn cuj me pas mišurànt,

e i vuj bas tegnìnt par sigurami tant

di  no pierdi’l sen di cualchidùn il pas.

Nisùn altri post no jòt, nè’n alt nė’n bas,

che platami’l posi dal petègul pì grant, 

che plen di murbìn no mi jòt pì vignì’ndavànt,

e’l pensa, po, che’l còu mi bàt a colps scalmanàs:

e’i cròt cussì che montagnis e spiàgis

e fluns e boscs di se stamp a cognòsin ben

il vivi me, dal dut platàt a altri vuj.

Lo stes, tròis cussì brus e salvàdis

cjatà i no pòs, indà che maj nol vèn

Amòu a rašonà cun me, nè jò cun luj.