Evolusiòn lenghìstica? Hmmm...

Baipassà Baipassà? Ma da indulà al sàltia fòu stu mostru di peràula? Da Timbuctu, a si pensarès, o adiritura da Majiriti che, coma che dùcjus a sàn, al è un exoplaneta lontàn na manada o dos di àis lus da la Cjera. Ma no; chista abominasiòn a vèn invensi da La Repubblica, che pròpit vuej (in ta sta zornada freiduta di disembri) a ni dìs che Londra a à decidùt di “bypassare” li règulis da la UE e di dàighi il so OK al ušu da la vacina Pfizer. A no ni tòcjia duncja strinzi i dincj' e acetà che se Londra a pòl fà sè ca vòu, e che se i gjornaj taliàns a pòsin rìdighi davòu a li règulis da la Crusca— a no ni tòcia duncja rasegnasi a jodi che encja il furlàn, par pura conveniensa o musetàt al è bon da baipasà ogni preteša di puresa? (Dec 2/20)