Mastià

Coma li òstreghis encja li peràulis a àn li so pèrlis. tant par dà un ešempli: Mastià Mastià A nol veva pì nisùn dint il me puòr nonu Ànzul, ma a sun di mastià e mastià e mastià a si rangjava lo stes a mangjà il sò mignestròn e la so pasta, e la so polenta, ma cul formaj vecju a no ghi la feva, nencja s'al vès paràt via a mastià e a mastià e a mastià da misdì fin a ora di sena. Ma nonus a no si doventa sensa cjatàighi il mani là ca coventa. e alora al inglusava il formaj in ta un toc di polenta cjalda e cu la man a ti lu lavorava e lavorava fin che il formaj al era ben dislagàt in ta la polenta che dopo a ghi zeva jù da diu sensa tant mastià e mastià e mastià.