“I vìf na vita na vura monotona,” a veva dita la volp. “I ghi còr davòu da li gjalìnis, e i òmis a mi còrin davòu a mi. Li gjalìnis a sòn dùtis compàgnis, e i òmis a sòn dùcjus compàis. E jò di dut chistu i soj abastansa stuf. Ma se jò i ti doventàs di cjasa, a sarès coma se il soreli al tacàs a risplindi su la me vita. I rivarès a savej la diferensa fra il sun dal pas di un e il sun di dùcjus chej altri pas. Altri pas a mi fàn cori indavòu svelt sot cjera. I tos a mi clamarèsin, coma la mùsica, fòur da la me tana. E cundipì: jòditu chej cjamps di furmìnt la jù? I no mangi pan. Il furmìnt a nol vòu disi nuja par me. E chel lì al è un pecjàt. Ma tu i ti às cjaviej ca sòn dal colòu dal oru. Pensa tu cuant bièl ca sarès s’i ti vès da fami di cjasa! Il furmìnt, cal è colòu oru encja chèl, a mi ripartarès te in mins. E i mi la godarès a sinti il vint in tal furmìnt...”
Etc.
No comments:
Post a Comment