Viers Pordenon e il mont

Viers Pordenon e il mont di Pasolini

(Chista trascrisiòn a contèn divièrs sbàlius di grafìa, ch’i no cròt ca sèdin dal Pasolini. A mi plašarès leši il originàl da la poešia.)

A san restàs ta li vitrinis
i fis a vuardà cui vuj clars
in ta la lus da li cusinis,
sensa pi jodi i fogolàrs,
nè li tras infumantadis,
nè la tàula onr.a, nè i zèis
nè li dàlminis lassadis
abàs da li frutis s-ciampadis
in ciambra cu l'odòur dai tejs.

A vuardin cu li so siarpetis
cui so vistis di fiesta scurs,
bessoj o in dai, o ta li caretis,
ta na di di Maj, dongia i murs
da la Glisia o da la Ciantina.
Ma a no jodin so mari pleta
a spacà i stecs di na fassina,
cuntra il zenoli, di marina
bunora, ic e la flama quieta.

Se ta chè musis blanci e rosa
a lus chel ridi, chel, e no n'altri,
chel fà luturàn e dolisiòus,
a è parsè ch'a san di cà, da l'Alta!,
nassus ta chis-ciu puòrs pais;
la ciera tai fis a è fres-cia
coma s'al fos nòuf il ,timp antic
dai vecius: legris, cu un vistit
di vura, e up vistit di fiesta.

A san doma che chistu mòut
di essi zòvins, di fà l'amòur,
di stà tal ciamp o: dongia il fòuc;
ch ciera a è so, parsè lòur
a san doma che di chista ciera.
Epur san stas paràs lontano
Coma tai spics la primavera
la zoventut da 'l'Alta a era
in lòur: ma no era so il so pan.

Tal sercli net da li pupilis
dai zovinus in cieris lontanis
il Sigli nòuf da li sisilis,
il veciu ciant da li ciampanis
a colin sensa scaturfju.
«Ah Diu -a dis la mari -se tars!»
e dis-ciapinela pal sulisu
a cor a vistisi par zi ju
in Glisia pai ciamps zà clars.
A torna ch'a san un puc pi clars.
A stissa il fòuc, a met a boj
illat, a distira tai bars
li intimelis blancis, i ninsoj.
A svualin intor li òdulis.
I fis sot il so biel sui biont,
a vuardin sensa pi jodilis:
a àn dismintiàt li so sfiòndis
zint ju viers Pordenon e il monto.

(caffetteriadellemore.forumcommunity.net)